Мутасаддиларнинг фуқаролар мурожаатини бевосита жойида ўрганиши муаммоларни ўз вақтида баратараф этилишида муҳим аҳамият касб этади. Бинобарин, Ўзбекистон Республикаси Президентининг туманимиздаги Халқ қабулхонаси томонидан тасдиқланган жадвали асосида, барча сектор раҳбарлари маҳаллалар кесимида фуқаролар билан учрашяпти.

Ўзбекистон Республикаси Президентининг 2019 йил 8 ноябрдаги фармонига асосан, фойдаланилмаётган объектлар учун оширилган ставкаларда солиқ ҳисоблаш амалиётига қуйидагича ўзгартиришлар киритилди.
Яъни:
Эски тартиб бўйича мол-мулк ва ер солиқлари ўрнатилган ставкага нисбатан 6 ойгача икки карра, 6 ой ўтгандан сўнг беш карра, 12 ой ўтгандан сўнг ва кейинчалик 10 карра миқдорида қўлланилган.

Тумунимиз саноат ва ишлаб чиқариш соҳасида етакчи ҳудудлар сирасига киради. Бундан унумли фойдаланиш, инвестициявий муҳитни яхшилаш лозим. Бинобарин, хорижий тадбиркорлар билан икки томонлама ҳамкорлик борасида ўтказилаётган музокаралардан мурод ҳам шу.
Жанубий Корея фуқароси Ёнг-Кю Жеонг билан ўтган учрашувда ана шундай лойиҳалардан бири муҳокама қилинди. Туман ҳокими Ҳ.Тўйчиев иштирокида ўтган мулоқотда чиқиндини қайта ишлаш бўйича 35 миллион долларлик келишувга эришилди. Натижада 200 нафар фуқар иш ўрни яратилади.

Мутасадди раҳбарларнинг аҳолига яқин бўлиши, фуқаро муаммолари билан қизиқиши яхши, албатта. Сўнгги икки йил ичида халқ билан мулоқот тамойили сабаб одамларни йиллар давомида қийнаб келган муаммоларга ечим топилди. Бу анъанавий тус олдики, бундан кейин ҳам давом этишига шубҳа йўқ.

Мамлакатимиз солиқ сиёсатида ислоҳотлар амалга ошириляпти. Аҳоли, айниқса, тадбиркорларга янада қулайлик яратиш мақсадида туман давлат солиқ инспекцияси матбуот хизматининг “Мурожаат қилинг, маслаҳат берамиз” рукни ташкил этилди. Ўзингизни қизиқтирган солиқ соҳасига оид саволларингиз билан мутахассисларга мурожаат қилишингиз мумкин.