Ўзбекистон Республикаси Конституцияси  қабул  қилинганлигининг  27 йиллиги  муносабати  билан умумтаълим мактабларида турли тадбирлар, кўрик-танловлар ўтказилиб, ўқувчиларнинг ҳуқуқий саводхонлигини  оширишга алоҳида эътибор қаратилмоқда.
Жомбой туманидаги 56-ихтисослашган давлат умумтаълим мактаби ўқитувчиси Гулшан Мусаеванинг “Конституция – қомусимиз, фахримиз!” мавзуида ўтказилган очиқ дарсида ҳам айни шундай эзгу мақсад мужассам.

Туманимизда қишлоқ хўжалиги ходимлари куни юқори савияда нишонланмоқда. Шу муносабат билан “Мумтоз” базмгоҳида байрам дустури ташкил этилди.

Ўзбекистон Республикаси Конституцияси қабул қилинган кун муносабати билан туман ҳокимлигида байрам тадбири ташкил этилди. Тадбирда жамоатчилик вакиллари, самарали фаолият юритаётган соҳа меҳнаткашлари қатнашди. Бир гуруҳ тумандошларимизнинг ютуқлари эътироф этилди. Мамлакат тараққиётига қўшаётган ҳиссалари учун миннатдорчилик билдирилди.

Халқ қабулхонасида туман ҳокимлиги мутасаддилари аҳоли мурожаатларини қабул қилди.
Жамиятимизда табиркорларнинг ҳуқуқ-манфаатлари қонун билан ҳимоя қилинади. Жойларда Бош вазир қабулхоналари ҳам ташкил этилган бўлиб, тадбиркор ва ишбилармонларнинг муаммоларига ижобий ечим топишда ушбу тизим муҳим аҳамият касб этади.
Зеро, тадбир давомида туманимиздаги Бош вазир қабулхонаси вакиллари ҳам таклиф этилди.
Сайёр қабулда коммунал хизмат кўрсатиш, йўл қурилиши, ижтимоий соҳага доир йигирмага яқин фуқаро мурожаатлари қабул қилинди.

Гулистон маҳалласи, Лолазор кўчасида жойлашган 5-кўп қаватли уйнинг коммуникация тормоғи узоқ йиллардан бери носоз ҳолда эди. Натижада, йиғилган оқова сув бинонинг ертўла қисмида тўпланиб қолган.
Туман уй-жой коммунал хизмат кўрсатиш бўлими саъй-ҳаракати билан ички ва ташқи канализация тормоқлари янгиланди. Бино тубидаги 100 тоннадан ортиқ чиқинди сув манбалари олиб ташланди. Тизим марказий канализация тормоғига уланди.