Туманимиз ижтимоий ҳаётида ишлаб чиқариш тармоқларининг улуши катта. Олайлик, аҳолининг салмоқли қисми ушбу соҳаларда меҳнат қиляпти.

Тумунимизда нарх-навонинг асоссиз оширилишига қарши курашиш мақсадида зарур чора-тадбирлар кўрилмоқда. Туман ҳокими раҳбарлигидаги ишчи гуруҳ томонидан тадбиркорлик субъектларида мониторинг ишлари ўтказилаётганидан хабарингиз бор. Жараёнда яна бир хайрли иш амалга оширилди.

Вилоят ҳокимлиги томонидан ишлаб чиқариш субъектларига карантин чоралари таъсир ўтказмаслиги, айниқса, озиқ-овқатга ихтисослашган корхоналарнинг одатдаги тартибда ишлаши учун барча шароитларни яратиб бериш зарурлиги айтилганди. Топшириқ ижросини таъминлаш мақсадида туманимиздаги айрим тадбиркорлар фаолияти, уларни қийнаб келаётган муаммолар ўрганилди.

Жомбой ўзининг инвестициявий жозибадорлиги, иқтисодий имкониятлари билан ажралиб туриши сир эмас. Ушбу кўрсаткичлар туманимизда фаолият юритаётган экспортёр корхоналар, истиқболли лойиҳалар ҳисобига ортиб бормоқда.

Аввал хабар қилганимиздек, жойларда озиқ-овқат ишлаб чиқаришга ихтисослашган корхоналар фаолияти ўрганилмоқда. Навбатдаги учрашув иссиқхона хўжаликларида ўтди.