BMTning “2020 yilda aholi va uy-joy fondini ro‘yxatga olish borasidagi prinsiplar va tavsiyalar” rezolyusiyasiga muvofiq, Mustaqil davlatlar hamdo‘stligi hududida aholini ro‘yxatga olish jarayonlari boshlangan. Qayd etish joizki, yurtimizda mustaqillik yillarida bunday yirik hisob-kitob ishlari amalga oshirilmagandi.

Ijtimoiy tarmoqlarda “Hududgaz Samarqand” mas’uliyati cheklangan jamiyati tuman bo‘limi rahbarining qo‘l ostidagi xodimlarga qo‘pol muomala qilayotgani va noqonuniy topshiriqlar berishi yuzasidan ovozli xabar tarqaldi. Holat “Hududgaz Samarqand” MChJ mas’ullari ishtirokida o‘rganildi.

Aniqlanishicha, ovozli xabarda aks etgan voqelik haqiqatan ham sodir bo‘lgan.

Tuman hokimligi tomonidan davlat tilida ish yuritish, lotin yozuviga asoslangan yangi o‘zbek alifbosini amaliyotga izchil tatbiq etish chora-tadbirlari yuzasidan ishchi guruh tuzildi. Korxona va tashkilotlarda qonunchilikka amal qilinishi holati o‘rganilmoqda.

Tadbirkorlikka ko‘maklashish markazi tamonidan yoshlar va xotin-qizlar biznes yuritish asoslari yo‘nalishida o‘qitilmoqda. Maxsus sertifikatga ega bo‘lgach, ularga “Yoshlar: 1+1” dasturi doirasida kredit ajratiladi.

Tuman hokimi tadbirkor va ishbilarmonlar bilan ochiq muloqot o‘tkazmoqda. Shunday tadbirlar "Jakfa agro mir" hamda "B-maks building materials" qo‘shma korxonalarida tashkil etildi.