Tadbirkorlikka ko‘maklashish markazi tamonidan yoshlar va xotin-qizlar biznes yuritish asoslari yo‘nalishida o‘qitilmoqda. Maxsus sertifikatga ega bo‘lgach, ularga “Yoshlar: 1+1” dasturi doirasida kredit ajratiladi.
O‘quv-kursini muvaffaqiyatli tamomlagan Gulnoza Qodirova olgan bilim va ko‘nikmalariga tayangan holda oilaviy korxona tashkil etdi. Aksiyadorlik-tijorat “Mikrokreditbank” tuman filialidan unga 22 million so‘m imtiyozli kredit ajratildi. Gulnoza non ishlab chiqarish faoliyatini yo‘lga qo‘yib, qo‘shimcha ish o‘rni ham yaratgan.
Shunday yoshlardan yana biri Sadoqat Sharipovadir. U aksiyadorlik-tijorat “Agrobank”dan 30 million so‘m kredit olib, hunarmanchilik yo‘nalishida tadbirkorlik boshladi. Hozirgi kunda 5 kishini ish bilan ta’minlagan.
Sherbek SAIDOV,
tuman tadbirkorlikka ko‘maklashish markazi rahbari.