Туманимиздаги болалар ва ўсмирлар спорт мактабида кик-боксинг бўйича республика мусобақаси ўтказилди. 250 нафар ёш спортчилар иштирок этган тадбирда вилоятимиз биринчи ўринни эгаллади. Бухоро ва Жиззах жамоалари мос равишда 2-, 3-ўринларни банд этди.
***
31-умумтаълим мактабида ота-оналар иштирокида йиғилиш ўтказилди. Таълим-тарбия жараёнининг бориши, муаммолар муҳокама қилинди. Ҳудуддан сайланган вилоят кенгаши депутати Ўктам Саидмуродов маҳалла, ота-она, мактаб ҳамкорлигини таъминлаш биринчи галдаги вазифа эканини таъкидлади.
***
Хотин-қизлар қўмитаси саъй-ҳаракати билан фуқаро С.Пардаевага собиқ турмуш ўртоғидан бир миллион сўм алимент пули ундириб берилди.
***
6-умумтаълим мактабида математика фан ойлиги юқори савияда ўтказилмоқда. 6-синф ўқувчилари ўртасида мураккаб амаллар бажариш юзасидан беллашув ташкил этилди. Тадбирда буюк бобокалонимиз Ал-Хоразмийнинг замонавий математика фани ривожига қўшган ҳиссаси, асарлари ҳақида маълумот берилди. Тажрибали педагог Тошмамат Қобилов қизиқарли математика мавзуида ёшлар билан мулоқот қилди.