Махсус имкониятлар
3-сектор раҳбари С.Шавманов Эски Жомбой маҳалласида яшовчи фуқаролардан тушган мурожаатларни жойига чиқиб ўрганди.
Учрашув давомида “Обод қишлоқ” дастури доирасида ҳудудга ўрнатилган тунги чироқларнинг тармоққа уланмагани билдирилди. Ноқонуний қурилишлар сабаб умумфойдаланишдаги йўлларнинг ёпиб қўйилгани танқид қилинди. Шунингдек, қишлоқ қабристонини ободонлаштириш, атрофини девор билан ўраш масаласи муҳокама этилди.
Тадбир давомида аҳолининг якка тартибдаги ўнга яқин мурожаатлари ҳам қубул қилинди. Уч нафар фуқаронинг биометрик паспорт олишда амалий ёрдам сўраб қилган мурожаати қаноатлантириладиган бўлди.
Коммунал хизмат кўрсатиш ва йўл қурилиши бўйича тушган мурожаатлар қисқа фурсатда мутахассислар томонидан ўрганиб чиқилиши белгиланди.
