Махсус имкониятлар
Bosh qomusimizga OAV vakillari va ularning faoliyati erkinligini kafolatlash borasida o‘zgartish va qo‘shimchalar kiritilishi kutilyapti. Konstitutsiyaviy komissiya matbuot kotibi Odiljon Tojiyevning ma’lum qilishicha, 67-modda quyidagi tahrirda bayon qilinadi:
“Davlat ommaviy axborot vositalari faoliyatining erkinligini, ularning axborotni izlash, olish, axborotdan foydalanish va uni tarqatishga bo‘lgan huquqlari amalga oshirilishini kafolatlaydi.
Ommaviy axborot vositalarining va jurnalistlarning faoliyatiga to‘sqinlik qilish yoki aralashish qonunga muvofiq javobgarlikka sabab bo‘ladi.
Ommaviy axborot vositalari o‘zlari taqdim etadigan axborotning to‘g‘riligi uchun javobgardir”.
Eslatib o‘tamiz, joriy yilning 18-iyun kuni tuman hokimligi axborot xizmati rasmiy saytida “Oila va OAVga qarshi tahdid jinoyat sifatida baholanishi kerak” sarlavhali maqola chop etilgandi. Unda Konstitutsiyamizning 4-, 63-, 67-moddalariga takliflar ilgari surilgandi.
