Махсус имкониятлар
Oila mustahkamligi jamiyat normal rivojlanishida muhim omil hisoblanadi. Ajrimlarning salbiy oqibatlari esa jamiyatdagi ijtimoiy, ma’naviy-axloqiy muvozanatning buzilishida ko‘rinadi. Xalqimiz oila muqaddasligini qadriyat darajasiga ko‘targani bejiz emas.
Majburiy ijro byurosi faoliyatida ushbu jihatlar ham inobatga olinmoqda. Yaqinda byuroning tuman bo‘limi tomonidan bir oila yarashtirilib, voyaga yetmagan bolalar tirik yetim bo‘lishining oldi olingani bunga misol.
Fuqarolik ishlari bo‘yicha tumanlararo sud buyrug‘iga ko‘ra, fuqaro I.F.dan turmush o‘rtog‘i X.D. foydasiga voyaga yetmagan ikki farzandi ta’minoti uchun aliment undirish belgilangan edi. Yosh oilaga tarbiyaviy ta’sir o‘tkazilishi natijasida ular yarashishga qaror qildi. Bu kabi misollar faoliyatimizda ko‘plab topiladi. Asosiysi, jamiyatimiz muvozanatiga g‘ov bo‘lishi mumkin bo‘lgan ajrimlar soni kamaymoqda.
Shahboz ABDURAHMONOV,
davlat ijrochisi.
