Ma’lum bo'lishicha, 5 iyul kuni soat 1:35 da Samarqand mahallasi, Buyuk ipak yo‘li ko‘chasida joylashgan avtoturagohda xorijlik T.K. boshqaruvida bo‘lgan "Volvo" yuk mashinasi to‘liq, S.K. boshqaruvidagi "Iveko" yuk mashinasi esa qisman yongan. Har ikki yuk mashinasi Qirg‘iziston davlat raqamiga ega, haydovchilar Turkiya fuqarolaridir.
Voqea joyiga 4 ta yong‘in-qutqaruv ekipaji soat 1:48 da yetib borib, yong‘in 2:05 da o‘rab olingan, 2:40 da o‘chirilgan.
Jarohat olganlar yo‘q. Yong‘inning sababi va zarari aniqlanmoqda.