Махсус имкониятлар
"Фарбома селект" илмий уруғчилик фермер хўжалигида буғдой селекцияси ва уруғчилик бўйича тадқиқот ишлари олиб борилмоқда.
Тошкент аграр университети Самарқанд филиали ҳамкорлигида кузги юмшоқ буғдойнинг интенсив типдаги навлари такомиллаштириляпти. Тажриба майдончасида 200 тонна юқори авлодли супер элита уруғларини етиштириш режалаштирилган.
– "Жасмина" ва "Фарбома" навлари ҳосилдор, касаллик ва зараркунандаларга чидамли, – дейди қишлоқ хўжалик фанлари доктори Ғ.Ғайбуллаев. – Дон сифати юқорилиги билан ажралиб туради. Вилоятимизда жорий йил 12 минг гектар майдонга "Жасмина" уруғи қадалди. Шунингдек, 130 гектар суғориладиган ҳудудларда "Фарбома" нави парвариш қилиняпти. 2017 йилда ушбу нав учун патент олгандик.
Дарҳақиқат, "Фарбома" 2019
йил қишлоқ хўжалиги экинлари реестрига асосий нав сифатида киритилган. Ғалланинг янги нави эртапишар, касаллик ва зараркунандалар, совуқ-қурғоқчил шароитга бардошли. Қилтиқли, бошоқ катталиги 11-13 сантиметрни ташкил қилади. Мингта дон массаси 42-44 грамм. Юқори агротехнологияда етиштирилса, гектаридан 80-90 центнердан ҳосил олиш мумкин.
Соҳиб САЙФУЛЛАЕВ.
