Умумтаълим мактабларининг фаолият самарадорлигини ҳадемай бошланадиган олий таълим муассасаларига қабул жараёни ҳам белгилайди. Бинобарин, ўқувчининг кўрсаткичи устоз меҳнатига бериладиган энг ҳаққоний баҳодир.
Эътиборлиси, хорижий муассасаларга имтиҳонлар давом этаётган шу кунларда мактаблардан қувончли хабар кела бошлади. Жумладан, 40-ихтисослаштирилган давлат умумтаълим мактаби битирувчилари Достонбек Исломов ҳамда Миршариф Азимжонов муддатидан аввал талаба бўлиш бахтига муяссар бўлибди.
– Бу йилги битирувчилардан умидимиз катта, – дейди мактаб директори Шоҳиста Намозова. – Достонбек ва Миршариф жорий йилнинг дастлабки қалдирғочлари бўлди. Ҳар иккиси Пучон университетининг архитектура йўналишига ўқишга қабул қилинди. Уларнинг ортидан бошқа ўқувчиларимиз ҳам юқори натижалар қайд этишига ишонамиз.