“Энг намунали мактаб сардорлар кенгаши” кўрик-танловининг туман босқичи якунланди. Ёшларнинг салоҳияти, дунёқараши, мақсадга интилишини оширишга қаратилган тадбирда юз нафардан ортиқ ёшлар қатнашди.
– Ёшлар иттифоқи ўқувчилар келажаги учун социал лифт бўлиб хизмат қилиши керак, – дейди туман кенгаши раиси А.Гулямов. – Бугунги мактаб сардорлари эртага раҳбар ходимга айланади. Танловнинг аҳамияти ҳам шунда. Вилоят босқичида ҳам вакилларимиз муносиб иштирок этишади, деган умиддамиз.
Йигит-қизлар “Бу бизнинг фаолият”, “Имкониятларимиз” ва “Интеллектуал ринг” шартлари бўйича беллашишди. 28-умумтаълим мактаби ўқувчилари биринчи ўринни эгаллаб, вилоят босқичига йўлланма олди.