Яқинда Марказий сайлов комиссияси томонидан депутатликка номзодларнинг сайловолди ташвиқотини олиб бориш тартиби тўғрисида низом тасдиқланди. Унда оммавий ахборот воситалари, босма, кўргазмали, аудиовизуал ва бошқа материаллар орқали сайловолди ташвиқотини ўтказиш, учрашувлар ташкил этиш тартиби белгиланган.
Қайд этиш жоизки, сайловолди ташвиқоти номзодларни рўйхатга олиш учун белгиланган охирги куннинг эртасидан бошланади. Овоз бериш бошланишидан бир кун олдин тўхтатилади. Бунда номзодлар тенг ҳуқуқларга эга бўлиб, уларнинг номидан ишончли вакиллар тайинланиши мумкин.

Туман маъмурий суди мутасаддилари жойларда сайлов тадбирининг қонуний ташкил этилиши, сайлов кодекси талаблари, нормалар бузилганда юзага келиши мумкин бўлган жавобгарлик масаласида суҳбат ташкил этмоқда.
Ана шундай тадбирлардан бири давлат санитария ва эпидемиология назорат марказида бўлиб ўтди.

Мамлакатимизда йирик сиёсий тадбир – Қонунчилик палатаси ҳамда ҳудудий кенгашларга сайлов учун қизғин ҳозирлик кўриляпти. Сайлов кодексига мувофиқ, комиссия аъзолари амалдаги қонунчилик юзасидан пухта билимга эга бўлиши талаб этилади. 
Туманимизда 47 та ягона сайлов участкалари тузилган бўлиб, жараённи ташкил этиш ва ўтказиш учун 500 нафардан ортиқ вакиллар жалб этилган. Шу кунларда улар Сайлов қонунчилиги бўйича тайёргарликдан ўтмоқда.

“Янги Ўзбекистон. Янги сайловлар”. 2019 йил 22 декабрда ўтиши кутилаётган сайлов шундай шиор остида ташкил этиляпти. Бинобарин, қонунийлик, ошкоралик принципларига қатъий амал қилган ҳолда халқимизнинг бой тажрибаси, умумэътироф этилган халқаро стандартларга мос равишда ўтказиш талаб этилади.

Вазирлар Маҳкамаси «Онлайн назорат-касса машиналари ва виртуал касса тизими қўлланилишини таъминлаш чора-тадбирлари тўғрисида» қарор қабул қилди.