Aliment to‘lovlarini undirish va oilalarni yarashtirish borasida amalga oshirilayotgan ishlar mavzuida matbuot anjumani o‘tkazildi. Tadbirda majburiy ijro byurosi tuman bo‘limi boshlig‘i Nurqo‘zi G‘aniyev axborot berdi.
Qayd etilishicha, aliment va moddiy ta’minot undirish bilan bog‘liq ijro hujjatlari bo‘yicha tumanimizda 2 ming 400 nafar shaxslarda qarzdor sanaladi. Ko‘rilgan choralar natijasida bugungi kungacha 960 million so‘mdan ortiq mablag‘ undirilgan.

Sarichashma mahallasi yoshlar yetakchisi tashabbusi bilan Alisher Navoiy tavalludining 582 yilligi nishonlandi. “Bobolar ruhiga ta’zim” deb nomlangan nazm va navo tanlovida tumandagi barcha maktablardan kelgan ijodkor o‘quvchilar bellashishdi.

40-ixtisoslashtirilgan davlat umumta’lim maktabida “Eng yaxshi boshlang‘ich sinf o‘qituvchisi” ko‘rik-tanlovi o‘tkazildi. Tadbir 2022-2023-o‘quv yilida ta’lim sifatini yanada oshirish, boshlang‘ich sinf o‘quvchilariga fanlarni zamonaviy usullarda o‘rgatish uchun o‘ziga xos raqobat muhitini shakllantirish maqsadini ko‘zlaydi.

“Tashabbusli budjet” asosida moliyalashtiriladigan qurilish loyihalarini amalga oshirishning yangi tartibi belgilandi. “Qurilish loyihalarini amalga oshirishda nazorat mexanizmlarini takomillashtirish, jarayonning ochiqligi va shaffofligini yanada oshirish chora-tadbirlari to‘g‘risida”gi Prezident qarorida bu haqda nazarda tutilgan.

Jinoyat jamiyat uchun xatarli illat bo‘lib, avvalo xavfsizlikka, barqaror rivojlanishga tahdid soladi. O‘tkazilayotgan profilaktik tadbirlarga qaramay oramizda jinoyat va huquqbuzarliklar sodir etayotganlar uchrayotgani tashvishlidir. Bu jamoatchilikning yanada mustahkam hamkorlik qilishi zarurligini ko‘rsatadi.