Жойларда ёшлар билан учрашувлар ўтказилаётганидан хабарингиз бор. Бундан кўзланган мақсад келажагимиз эгаларининг кўнглига қулоқ тутиш, мақсад-режалари билан  танишиш, муаммоларини ўрганиш, уларга имкон қадар ёрдам беришдан иборат. Туманимизда ҳам бу каби тадбирлар анъанавий тус олмоқда.

2019 йил “Обод қишлоқ” дастури доирасида Эски Жомбой, Бешбола, Каттақишлоқ маҳаллаларида бунёдкорлик ишлари амалга оширилди.
Қурилиш ва ободонлаштириш учун 24 миллиард 124 миллион 300 минг сўм маблағ сарф этилди. Натижада, 24,7 километр йўл, 6 километр пиёдалар йўлаги таъмирланди.
3 километр ички ирригация тармоқларининг ҳолати яхшиланиб, 3,6 километр дарахтзор, 1,6 километрга яқин гулзор ташкил этилди. Экин майдонларини суғориш муаммо бўлган ҳудудларда 3 та қудуқ реконструкция қилинди. Бундан ташқари, 6 нуқтада янги типдаги чиқинди модуллари барпо этилди.

Камҳосил, самарасиз маҳаллий боғларни очиқ майдон типига ўтказиш, ўрнида истиқболли лойиҳаларни рўёбга чиқариш юзасидан тизимли ишлар давом этмоқда.

Фуқароларимизда ўз манфаатларидан жамият манфаатини устун қўйиш кўникмаси шаклланиб бораётгани қувонарли. Бу айниқса, сайёр қабуллар давомида кўзга ташланади. Эндиликда, қабулга келган киши кўпроқ мактаб, мактабгача таълим муассасалари бунёд этиш, тиббиёт масканларини янгилаш масаласини ўртага ташлаяпти. Моддий ёрдам сўраш мазмунининг кескин камайиб бораётгани эътиборга молик.

Жомбой туманида ҳудудий электр таъминотини яхшилаш, тўлов интизимини мустаҳкамлаш ҳамда соҳага замонавий технологиялар жорий этилиши муносабати билан аҳоли ўртасида тарғибот-тушунтириш ишлари самарадорлигини ошириш мавзуида йиғилиш ўтказилди. Мажбурий ижро бюроси вилоят бошқармаси, электр тармоқлари корхонаси мутасаддилари иштирокида ўтган тадбирда тизимдаги муаммолар туман мисолида таҳлил қилинди.