"Ayollar daftari"ga kiritilgan xotin-qizlar uchun chuqurlashtirilgan tibbiy ko‘rik tashkil etildi. Tadbir davomida 60 nafar ayol ko‘p tarmoqli markaziy poliklinika shifokorlari tomonidan bepul tekshiriuvdan o‘tkazildi. Jarayonda besh nafar og‘ir bemor aniqlanib, shifoxonaga yotqizildi. Qolgan 55 nafariga  zaruriy maslahatlar berildi.

Kecha soat 21:10 da Olmazor mahallasi, Qarabchi qishlog‘i yaqinidagi milliy tabiat bog‘i hududida yong‘in yuz berdi. Bu haqida viloyat favqulodda vaziyatlar boshqarmasi axborot xizmati xabar bermoqda.

Respublikamiz hududiga issiq havo massasi kirib keldi. Yuqori harorat hafta davomida saqlanib, iqlim me’yoridan 5-8 darajagacha ko‘tarilishi kutilyapti.

Anomal sharoitni inobatga olgan holda imkon qadar ko‘chaga chiqmasligingiz so‘raladi.

Zarnews.uz saytida "Yo‘limiz ta’mirsiz qolib ketyapti" sarlavhali maqola chop etildi. Unda tumanimizdagi Katta qishloq mahallasida istiqomat qiluvchi Baxtiyor Rabbimovning murojaati yoritilgan. Jumladan, Uzunovul qishlog‘ining ichki ko‘chalarini ta’mirlash asnosida qishloqqa olib kiruvchi 662 metr yo'l qoldirib ketilgani aytiladi.

Bu yil yog‘ingarchilikning yetarli bo‘l­magani sababli suv taqchilligi sezilyapti. Kanal va ariqlar orqali taqsimlangan suvning olis hududlarga yetib bormasligi qator muammolarni keltirib chiqarishi mumkin. Polvonariq mahallasida soatiga 250 tonna suv chiqaruvchi inshootning ishga tushirilishi ana shu muammoni bartaraf etishga xizmat qiladi.