20 май санаси Жомбой туманида ўзига хос “Ёшлар куни” бўлди десак ҳеч ҳам муболаға бўлмайди. Даставвал Ўзбекистон ёшлар иттифоқи қошидаги “Камалак” болалар ташкилотининг анъанавий XVIII анжумани ўтказилди. Анжуманда тумандаги ҳар бир умумтаълим мактабидаги энг фаол иқтидорли, фаол Сардорлар туман Кенгашининг фахрий ёрлиқлари ва ёзги таътилда фойдаланишлари учун ўқув қуроллари берилди.

“Обод қишлоқ” давлат дастури доирасида Бешбола маҳалласида истиқомат қилувчи хотин-қизлар тиббий кўрикдан ўтказилди.
Аҳолининг ҳуқуқий, тиббий ва турмуш маданиятини ошириш ҳамда репродуктив саломатлигини яхшилаш мақсадида 210 та хонадоннинг ижтимоий ҳаёт даражаси ўрганилди. Соҳа мутахассислари томонидан 270 нафар фуқаролар чуқурлаштирилган тиббий текширувдан ўтказилиб, 149 нафарига амбулатор, 11 нафарига стационар шароитда даволаниш учун йўлланма берилди. Юқумли хасталик қайд этилган 9 нафар фуқаро диспансер назоратига олинди.
***

Шерқўрғон маҳалласида жойлашган 54-умумтаълим мактабида вилоят Халқ қабулхонаси мудири Шуҳрат Узоқов аҳоли мурожаатларини қабул қилди.

Тадбирда туман ҳокими ҳамда сектор раҳбарлари қатнашди. Фуқаро мурожаатлари бевосита қабул жараёнида ўрганилиши, тегишли тартибда ҳал этилишига алоҳида эътибор қаратилди.