Tumanimizdagi bolalar-o‘smirlar sport maktabida futbol bo‘yicha o‘smirlar o‘rtasida “Olimpiya kubogi” respublika ochiq chempionati o‘tkazildi. O‘zbekiston Respublikasi Konstitutsiyasining 29 yilligiga bag‘ishlangan tadbir “Sportni sev, sport bilan yasha!” shiori ostida tashkil etilgan.
Musobaqada Toshkent, Jizzax, Samarqand, Qashqadaryo, Navoiy viloyatlaridan kelgan 160 nafarga yaqin yoshlar ishtirok etdi.
Yakuniy natijalar bo‘yicha Qarshi olimpiya zahiralari sport kolleji jamoasi birinchi, Jomboy bolalar-o‘smirlar sport maktabi jamoasi ikkinchi, Toshkent shahri jamoasi uchinchi o‘rinni egalladi.
Zubaydullo XOLMATOV,
turizm va sport bo‘limi boshlig‘i.