Махсус имкониятлар
Тошкент давлат ўзбек тили ва адабиёти университети учинчи босқич талабаси Мадина Саматбоева Қозоғистонда бўлиб ўтган "Энг ёш олим – 2021" халқаро танловида олтин медал соҳиби бўлди.
Тадбирда МДҲ давлатларидан 200 нафардан ортиқ иқтидорли талаба иштирок этган.
– Мазкур халқаро танловда ғолибликка даъвогарлар кўп эди, – дейди М.Саматбоева. – Уларнинг барчасини ушбу мукофотга лойиқ, деб ҳисоблайман. Инглиз, рус ва қозоқ тилларида қабул қилинган илмий мақолалар юқори тоифали илм соҳиблари томонидан текширилди ва муносиблар эътироф этилди. Танловда хорижий тилларни билиш ҳам инобатга олинди.
Иқтидорли қизимизнинг 40 дан ортиқ илмий мақолалари халқаро ва республика нашрларида эълон қилинган. Таниқли олимлар томонидан эътироф этилган. Ижодий ишлари АҚШда чоп этилган халқаро ижодкор ёшлар тўпламидан ўрин олган.
ЎзА
