“Tashabbusli budjet” jarayonida 3365 ta ovoz bilan g‘oliblikni qo‘lga kiritgan tuman tibbiyot birlashmasini zarur jihozlar bilan ta’minlash taklifi ro‘yobga chiqarila boshlandi.
O‘zbekiston Respublikasi davlat xaridlari axborot portali orqali o‘tkazilgan auksionda “Zunnun” mas’uliyati cheklangan jamiyati g‘olib chiqdi. Qisqa fursatda 95 million 600 ming so‘mlik 15 ta “EKG” jihozi yetkazib berildi. Aholiga sifatli va samarali xizmat ko‘rsatishda bu muhim ahamiyatga ega qurilma sanaladi.
Bundan tashqari, 846 million 400 ming so‘mlik boshqa jihozlar xaridi bo‘yicha auksion savdolari o‘tkazilmoqda.
Ma’lumot uchun, ushbu taklif uchun 942 million so‘m mablag‘ ajratilgan.
Muhammadjon SULEYMANOV,
moliya bo‘limi bosh iqtisodchisi.