Jomboy xalqaro seminar mezboni

Tuman hokimligida Amerika Qo‘shma shtatlarining xalqaro taraqqiyot agentligi (USAID) hamda “Sharq ayoli” jamoat fondi mutaxassislari ishtirokida seminar o‘tkazildi. Tadbirda Jomboy va Bulung‘ur tumanida istiqomat qiluvchi150 nafarga yaqin faol xotin-qizlar ishtirok etdi.

Tadbirkorlik qilish istagidagi ayollar kun davomida “Raqamli xizmatlar iste’molchilari va ularning ijrochilari sonini oshirishga yordam berish”, “Elektron savdo vositalaridan foydalanish”, “Elektron tijorat sohasidagi qonunchilik normalari”, “Onlayn do‘kon inkoniyatlaridan foydalanish” mavzularida saboq olishdi.

“Ayol va raqamli iqtisodiyot-2” loyihasi respublikamizning barcha viloyatlarida tashkil etilayotgani bilan ahamiyatli bo‘lib, o‘zbek xotin-qizlariga zamonaviy ilm-fan, texnologiyalar hamda axborot kommunikatsiya loyihalaridan unumli foydalanishni o‘rgatish maqsadini ko‘zlaydi.

Seminar so‘ngida ishtirokchilarga maxsus sertifikat topshirildi.