Президент Aдминистрацияси, Ёшлар ишлари агентлиги ва бошқа мутасадди идора вакилларидан иборат ишчи гуруҳ аъзолари Жомбой ёшлари билан учрашув ўтказди.
"Ўзбекистон ёшлари форуми"да давлатимиз раҳбари томонидан ёшларни ҳар томонлама қўллаб-қувватлаш ва уларнинг эзгу интилишларини рўёбга чиқаришга қаратилган маърузаларининг мазмун-моҳияти тадбирнинг бош мавзуи бўлди.
Шунингдек, учрашув давомида ўқувчи-ёшларнинг мурожаат ва таклифлари муҳокама этилди. Уларга йўл-йўриқ, тавсия ва кўрсатмалар берилди. Мурожаатларнинг аксарияти жойида ечим топган бўлса, айримларини қонуний кўриб чиқиш учун чора-тадбирлар белгиланди.
Тадбирда ёшлар ишлари агентлиги туман бўлими таклифига мувофиқ жомбойлик ўқувчилар учун 2 мингта бадиий асарлар тўплами ҳамда 10 та ноутбук ажратилиши ваъда қилинди.
Мулоқотда Ёшлар ишлари агентлиги директори Aлишер Саъдуллаев ҳамда туман ҳокими Қаюм Собиров қатнашди.